Albisteak

Ostegun honetan, urriak 16, arratsaldeko 18:30ean Ibarrako udaletxeko Pleno Aretoan GUIFI.NET egitasmoari buruzko informazio bilera antolatu du Udalak. Guifi.net proiektuak internet sare alternatibo herrikoia eratu nahi du. Ikastolak helburu honekin bat egiten du eta egitasmoaren teknologia baliatuko du ikastolak duen internet konexioa hobetzeko.

El Euskaltegi Municipal Aitzol ofrece un curso de euskera para madres y padres que busca los siguientes objetivos:
1.- Conseguir relacionarse por escrito en euskera con el centro escolar de los hijos (recibir/enviar información).
2.- Ayudar a los hijos, e intentar entender qué están estudiando.

Piperraren prozesu osoa gertutik ezagutu dute Uzturpe ikastolako gazteek. Uzturpe ikastolak eta 789 taldeak iaz jarritu zuten martxan Ibarrako piperrari lotutako proiektu bat; helburua, gazteak sentsibilizatzea da.Gustura ibili dira gaur eguerdian Ibarrako Uzturpe ikastolako DBH 4. mailako ikasleak piperren artean.

Zirkular honen bidez jangelaren inguruan hartutako erabaki baten berri eman nahi dizuegu. Kontuan hartuz DBHko ikasleak, asteazkenean batzuk (3 eta 4) eta ostiralean denak (1,2,3 eta 4), 14:00etan irteten direla, jangela zerbitzua eskaintzea erabaki dugu, hau da, 14:00etan nahi duenak ikastolan bazkaltzeko aukera izango du Iñigo sukaldariaren ardurapean.

Lehenbiziko ikastola sortu zenaren mendeurrena abiapuntutzat hartuta, ikastolen historiari buruzko errepasoa da ‘100 urtez ikasgelan euskaraz’. Orio Produzkioak ekoiztetxearen eskutik, Kike Amonarrizek zuzendu eta aurkeztutako erreportaje-dokumentala iragan larunbat gauean eman zuen ETB1ek. Hementxe duzue ikusgai.

Lan egiteko di-da beti prest ez hintzen egoten dudan,
gogo betean parte hartuaz lan eta herri kulturan,
euskara suelto ahoan eta hitz eta errima joskuran,
arrasto ederra utziz herritar ta Ibarrako ortzemugan,
orain artean gurekin eta hemendik aurrera gugan.

Dagoeneko aurkeztu da 2014ko Kilometroak Jaia-ERRIA TXIKOTA! eguna Ikastolen Etxean.Aurtengo ibilbideak 5.632 metro ditu orotara. Ibilbidean zehar 5 gune nagusi izango dira, formatu txikiko eskaintza kultural ederra izango den Abaromendi guneaz gain. Informazio guztia Kilometroen webgunean da eskuragarri

Jaso logela! Itzali telebista! Egin eskolako lanak! Txukun jan! Zein da lagun hori? Gosaldu eta jantzi azkar eskolara berandu iritsiko gera eta! Niri ez hitz egin tonu horretan!
Sarritan, gurasook gauza bera 100 aldiz esaten dugu, tonu guztietan eta, batzutan, pasa egiten gara. Aldi berean, zailtasunak izan ditzakegu debekatzeko orduan, exijitzeko orduan… “Ez” esatea kosta egiten zaigu edota gehiegitan esaten dugu.

Ikastolako irakasleen formazioa, oraingo honetan, klaustro guztiak “Gatazkak prebenitzeko proposamena” izeneko ikastaroa burutu du. Baketik- en eskutik honako helburuen inguruan trebatu dira: irakasle bezala, norberaren estatusa ezagutzea eta erabiltzen praktikatzea. Oso ikastaroa interesgarria izan dela adierazi dute.

Datorren irailaren 22an, kotxerik gabeko nazioarteko eguna ospatzen da. Hori dela eta, Uzturpe ikastolak kotxerik gabeko eguna antolatu du.
Horretarako egun honetan HHko eta LHko ikasleak plazan elkartuko gara eta irakasleen laguntzarekin oinez igoko gara.

Orriak