Skip to main content

50. urteurreneko ekitaldiak moldatzen

Duela 50 urte sortu zen Uzturpe ikastola. Ibarrako herriaren lan ikaragarriari esker, garai hartako herritarren, irakasleen eta langileen borondatezko lanari esker. 

Ikastolen mugimenduaren sorrera hartan eraikitako eta urtez urte elikatutako elkarlanerako ilusioarekin joan da Uzturpe herrian hazten eta hezten. Urte asko pasa dira bai, baina jakin, helburu berarekin jarraitzen dugula lanean: erronka berriei aurre eginez. gure ikasleen garapen integralerako baliabideak jarriz lanean, alez-alez, egunero, herria eraikitzen.

2020. urtea hasi berritan ikasturtez ikasturte Uzturpen aritu ziren eta diren guztiei eskerrak emateko 50.urteurrena ospatzeari gogotsu eutsi genion eta honen antolaketa lanetan harrapatu gintuen birusak. Ez, ezingo dugu pentsatutako moduan ospatu! Ekitaldiak bertan behera edo atzeratu behar izan ditugu. Baina jakin ezazue indartsu eta elkarlanerako gogotsu jarraitzen dugula; berriro ere garbi erakutsiz UZTURPE zailtasunen aurrean indarrez ekiten dion komunitatea dela!!

Iritsiko da ospakizunetako garaia ere eta berriz ere eskerrak ematen jarraituko dugu hasierako hartan lanean egon zinetenei, bidean elkarlanean aritu zaretenei eta ilusio berberaz jarraitzen duzuenei.

Zaindu eta laster arte!!

 

Azken albisteak

Aurtengo LHko Sukaldaritza tailerra gozo gozo hasi dugu Uzturpe ikastolan. Gure ikasleek fruitu gorrien mermelada kozinatu zuten oraingoan!
LH 5eko ikasleak egun zoragarria igaro zuten Donostiako Eureka! Zientzia Museoan. Bisita hasteko, planetarioaz gozatzeko aukera izan zuten.
Mendi itzuli ederra egin zuten atzo Bedaiotik abiatu eta Balerdipean Urdileko eta Zarateko lepoetatik igaroz. Bertan udazken kolore zoragarriez gozatzeko aukera izan zuten.
DBH4ko ikasleak Ormaiztegiko "Zumalakarregi Museoan" izan dira, Karlistaden eta Industrializazioaren inguruko erakusketaz gozatzen.