Ikastolako ateak berriro zabalik ditugu eta ikasturte berriari ekiteko unea iritsi da. Lehen egun hauetan askotariko emozioak izan dira protagonista: poza, urduritasuna eta, tarteka, tentsio apur bat ere bai. Izan ere, etxeko goxotasuna atzean utzi eta eguneroko errutinara egokitzea ez da beti erraza.
Bi eta hiru urteko haurrak egokitzapen-prozesuan buru-belarri dabiltza, pixkanaka espazio, errutina eta lagun berrietara ohitzen. Lau eta bost urtekoak, berriz, ikastolako txokoak berriz deskubritzen eta ikaskuntza-prozesuan lehen urratsak egiten hasi dira dagoeneko.
Urteko erritmoa poliki-poliki hartzen ari gara, eta ilusioz gaude aurretik ditugun erronka, ikaskuntza eta une bereziez gozatzeko Hezkuntza-komunitate osoaren elkarlanari esker, elkarrekin hazten eta ikasturte aberats eta oparoa eraikitzen jarraituko dugu.
