LH 6A gelakoak Lemoizeko barnetegira eta LH6B koak, Gorozikako barnetegira joan dira. Bertan 4 egun igaro dituzte. Euskal Girotze Barnetegien helburu nagusiak dira ikasleen artean euskararen erabilera eta haren aldeko motibazioa indartzea, eta euskararekiko eta euskal kulturarekiko ezagutza eta atxikimendua hobetzea. Horretarako, euskaraz eta euskararen inguruan hitz egiteko guneak eta jarduerak eskaintzen zaizkie, gure kasuan egindako jarduerak: eskalada, mendi irteerak, hondartzara txangoa, xaboien tailerra… Egonaldian zehar, halaber, euskararekiko eta euskal kulturarekiko dituzten erreferentziak gehitu eta gaurkotzeko tresnak eskaini zaizkie. Horrekin batera, hizkuntzen gaineko hausnarketa bideratzen da, zeinetan hizkuntza aniztasuna, gutxiagotutako hizkuntzak eta hizkuntza ekologia bezalako gaiak jorratzen diren. Hori guztia talde kohesioa eta norberekiko konfiantza emozioetatik eta modu ludikoan landuz. Esperientzi zoragarria izan da!
