Familia agurgarriak,
Genozidioak darrai.
Ikasturte hasiera honetan, “Gure haurrak ere badira” ekimenak deituta, Palestinaren aldeko hainbat ekimen eramango dira aurrera Euskal Herriko ikastetxe guztietan.
Uzturpe ikastolak ere, bat egingo du ekimen hauekin.
“HEZKUNTZA KOMUNITATEA PALESTINAREKIN! GENOZIDIOA STOP!”
OSTEGUNERO MOBILIZAZIO EGUNA
Hezkuntza komunitatea bildu eta ostegunero elkartasun keinu moduan, elkarretaratzeak egingo ditugu. Bertara “Gure haurrak ere badira” ekimeneko kamisetekin agertzeko deialdia egiten dugu.
Urriaren 2, 9 eta 16an, ostegunetan 16:30ean, Uzturpe Ikastolako atarian elkartuko gara.
ZAPATEN BILKETA
EHko ikastetxe guztietan egingo den Palestinaren aldeko ekimenerako ehunka zapata zahar behar ditugu eta etxean jada erabiltzen ez dituzuen horiek ekartzeko deia egiten dizuegu.
Pareak bere sokarekin edo brida txiki batzuekin lotuak ekarri, mesedez. Ikastetxeko sarreran jarriko ditugun kaxetan jasoko ditugu.
Zapata guzti hauek, Gure haurrak ere Badira ekimenaren baitan Urriaren 16an ikastetxe guztietan ume palestinarren aldeko ekimena egiteko euskarri gisa erabiliko dira.
Ekimen honetan argazkiak aterako dira eta argazki hau ikastolako domeinutik kanpoko sareetara igoko da, hau dela eta, zuen semea edo alaba bertan agertzea nahi ez baduzue, jakinarazi tutoreari urriaren 10a baino lehen.
KAMISETAK ELKARTASUN KEINU GISA
“Gure Haurrak ere Badira” ekimenak aterata, kamisetak erosteko aukera daukazue.
Ostegunero izango ditugun elkartasun egunetan denok janzteko deia egiten dugu.
Kamisetan erosi nahi izanez gero, bete ondorengo galdetegia urriaren 15a baino lehen.
Gure haurrak ere badira, kamisetak
Irabaziak Palestinara bideratuko ditugu.
Gure haurrak ere badirelako, jarrai dezala elkartasun uholdeak!
