ESKOLA KIROLA MARTXAN DA
Urria iristearekin batera ikastolako Eskola Kirol taldeak jada hasiak dira entrenamendu saioekin eta larunbatetako ekintza bereziekin. Adibide gisa, aurreko larunbatean Ordiziako Errugbi Taldeko hainbat jokalari eta entrenatzaileren eskutik Errugbi saioa jaso zuten gure LH 3-6ko ikasleek giro ezin hobean Tolosako Usabal Kiroldegian.
Aurtengo ikasturtean 160 haurrek parte hartuko dute Uzturpe ikastolako Eskola Kirol programan (Multikirola, Atletismo taldea eta Jolas hezi). Programa honetan ohiko hiru kirol nagusiak lantzeaz gain (Saskibaloia, Eskubaloia eta Areto Futbola) beste hainbat kirol lantzeko aukera izango dute, hala nola, jolasa, Piragua, Eskalada, Errugbia, Herri Kirolak, Judoa, Mahai Tenisa, Igeriketa, Arrauna, Boleibola, Patinaia, Urpekaritza, Atletismoa, Xakea... Nabari da kirolaz gozatzeko gogotsu daudela gure ikasleak!!!
