Skip to main content

Elhuyar Zientzia Azoka

Irudia
irudia

Elhuyarrek eta Kutxa Fundazioak antolatuta, Gipuzkoako 10 ikastetxetako 100 gaztek ikasturtean zehar landutako 23 proiektu ikusgai izan dira Tolosako Alondegia plazan. 

Bertan ospatu da lehen Elhuyar Zientzia Azoka (STEAM). Gipuzkoako hainbat ikastetxetako gazteek ikasturtean zehar egindako proiektuak Tolosako Alondegiko plazan erakusteko aukera izan dute. Azoka goizeko hamar eta erdietan inauguratu da, zinta mozteko ekitaldiarekin. Uzturpeko DBH1 mailako ikasleak beraien Natur Zientzietako proiektua aurkeztu dute: mikroorganismoen inguruko ikerketa bat. Ikastolan hartutako laginak petri plaketan hazten jarri dituzte, bakteria eta honddoak ikusi ahal izateko, eta hauen argazkiak aurkeztu dituzte azokan.

Guztira 12 eta 18 urte bitarteko 100 gazte bildu dira eta 23 proiektu desberdin aurkeztu dituzte: Ibarrako Uzturpe ikastola, Alegiako Aralar BHI, Amasa-Villabonako Erniobea BHI, Beasaingo La Salle, Hondarribiko Talaia BHI, Lasarte-Oriako Oriarte BHI eta Tolosako Herrikide ikastetxea, Orixe BHI, Tolosaldea LHI eta Tolosaldeko eskolaz kanpoko STEAM eskola. Ikastetxeekin batera, Asteasuko Algaloop enpresak bere ikerketa- eta berrikuntza-lanaren lagin adierazgarriak erakutsi ditu. Izan ere, ekimen honen helburua gazteei zientziaren eta teknologiaren benetako mundua hurbiltzea eta hura inspiratzea da.
 

Azken albisteak

LH5eko ikasleek Tolosaldeko Mankomunitateak antolatutako Ekin kanpainan parte hartu dute.
Gau Beltzaren Ibilbidean aritu diren ikasle eta irakasleekin ibilbidearen balorazioa, hurrengo urterako proposamenak eta eskertza egin dugu ikastolan.
DBH 4ko ikasleak  Galtzagorri Elkarteak sustatutako Podcast grabazioan izan ziren. Iazko ikasturtean gure ikasleek "Liburu Gaztea" lehiaketan parte hartu eta lehen saria eskuratu zuten.
Beste ikasturte batez, Ibarra Martxan ekimenarekin bat egin du Uzturpe Ikastolak.