Irudia
Urtarrilaren 24an eta 25ean Asteburu Pedagogikoa antolatu zuen Uzturpe Ikastolak. Elkarrekin egon, ideiak partekatu, hausnartu, ikasi eta gozatzeko aukera izan zuten irakasleek beste urte batez. Larunbat goizean, Anoetako Herri Ikastolako proiektu eraldatzailea ezagutzeko lan saio emankorra egin ostean, arratsaldean goizean ikusitakoaren inguruko hausnarketa saio mamitsua burutu zuten bertaratuek elkarrekin afaltzera joan aurretik. Igandean, Manex Beristainek gidatutako Barreterapia saioaz gozatzeko aukera izan zuten parte hartzaileek. Uzturpeko langileriak berriz ere hobekuntza iraunkorraren bidean formatzeko konpromisoa erakutsi zuen. Eskerrik asko parte hartu duzuen guztioi!
