Lehengo urtean ere hasi ziren ibilbide honekin, baina aurten eguraldia lagun, naturan zehar egin dute antzerki ibiltaria. Ibilbidean zehar 7 txoko aukeratu dituzte eta txoko bakoitzean istorio bat kontatu dute ikasleek. Horretarako, Mihurak, Suak, Urak eta Desirek duten magiaz busti dituzte umeak. Landareen izatea magikoaz, suak amalurrari ematen dion indarraz, urak duen garbitzeko propietateez eta familiak eskaintzen digun babesaz hitz egin digute. Ibilbidea Uzturpe Ikastolan hasi, Egi Baserriaren ondotik jarraitu, ondoren Etxezarretako Baserrian geldialditxoa egin, antzinako "labaderoan" uraren kontakizunak azaldu eta Argitxoren etxean bukatu dute. Oso gustura aritu dira, bai gure antzezle gazteak eta baita gure ikastolako txikiak ere. Magiaz gozatzeaz gain euskal kulturaz blaitu dira gure ikasleak!
