Helburua haurrek gelan lantzen dituzten edukiekin lotura zuzena izatea da eta jangelan ere gai horiei buruz gehiago ikastea, esperientzia praktiko eta esanguratsu baten bidez. Alde batetik, LH-n lantzen ari diren herrialdeak, ohiturak eta kulturak jangelan islatzea proposatzen dugu. Horrela, gelako ikasgaien eta eguneroko jangelaren artean lotura naturala sortuko da. Bestetik, Ikastolan dagoen aniztasun kulturala kontuan hartuta, ikasleen jatorrizko herrialdeetako janariak ere jangelako menuan txertatuko dira. Hilero, beraz, aukeratutako herrialde edo kulturari buruzko apaingarriak, informazio txikiak, datu bitxiak eta menu tematiko egokitua eskainiko dira jangelan. Proiektu honen bidez, haurrek gelan ikasitakoa jangelan ikus, probatu eta bizi ahal izango dute, eta ikaskuntza esanguratsuagoa bihurtuko da.
