Haurrek ikasturtean zehar kirol ezberdinak probatuko dituzte: errugbia, mahai tenisa, urpeko jarduerak, atletismoa, eskubaloia, saskibaloia, areto futbola, herri kirolak, boleibola, arrauna, kayaka, eskalada… Kirol hauetan parte hartzeak puntuak emango dizkie ikastetxeei. Maiatzean, Berazubi estadioan egingo diren Olinpiadetan elkartuko dira eskualdeko ikastetxeak eta puntu gehien dutenek jokatuko dituzte finalak.
Udalak eta ikastetxeek eredua babestu dute, kirolaren bidez haurrei aukera eta balio gehiago eskaintzeko.
Ekimen honek hainbat helburu ditu: Haurrek kirol ezberdinak ezagutzea eta probatzea, osasuntsu haztea eta mugimendua maitatzea, lagun berriak egitea eta elkarrekin harremanak sendotzea eta balioetan heztea: elkarlana, errespetua eta bizikidetza sustatzea.
