HEZITZAILEON ARGAZKI ALBUMAK
Azken hilabeteetan, Haur Hezkuntzako hezitzaileok argazki-album pertsonalizatuak sortu ditugu, bertan, gure interesak, zaletasunak eta definitzen gaituzten alderdiak bilduz. Album horiek, lehenik eta behin, irakasle taldean aurkeztu ditugu, bakoitzak bere bizitzari eta interesei buruzko xehetasunak lankideekin partekatuz.
Ondoren, sortutako argazki bildumak HH-ko ikasgeletan erakutsi ditugu horrela elkarren berri gehiago jakitea ahalbidetuz eta bide batez, ikasleen hizkuntza garapenean lagunduz. Norberaren interes eta alderdi pertsonala partekatzeko dinamika esanguratsu honen bitartez, gure burua ezagutarazteko eta lankideen arteko zein ikasleekiko konfiantzazko eta hurbiltasunezko giroa sortzeko, mantentzeko edota areagotzeko baliagarria izan zaigu.
