Gau Beltza Uzturpe ikastolan
Gau Beltza gerturatzen ari den honetan, ikastolan ere keinu txiki bat egingo diogu urriaren 31n herri mailan antolatu den egun berezi honi. HH 3ko ikasleak gai honi lotutako tailerra burutuko dute ikastolan datorren astean.
Bertan, gure beldurren inguruan hitz egingo dugu eta horiek paperean irudikatzeko aukera izango dugu, besteak beste, denen artean gelako beldurren marrazki bilduma osatuz.
LHko lehen zikloan ere, Gau Beltzaren inguruko ipuin kontaketa, pelikula eta material ezberdina zirkulazio librean eskaini ondoren, beldurren inguruan arituko dira. LH 4-5-6n berriz, tailerretan gaiaren lanketa egingo dute.
DBHko ikasleek, herri mailan antolatu den ekimeneko egitarauan parte hartuko dute. Egunean bertan tailerrak, DBH 4ko antzerki taldearen eskutik ibilbide antzeztua eta talo jana eskainiko dira. Gogoratu urriaren 25ean itxiko dela bertan parte hartu ahal izateko izen ematea. Hona hemen esteka:
