HH3A eta HH3B, Haur Hezkuntzako 5 urteko haurrekin Kultur Etxeko erakusketan egon gara. “Begiekin dastatzeko” aukera izan dugu, a ze plazerra!!! Marce Tenak zuzenduriko “MARRAZKETA, PINTURA ETA ADIERAZPEN ARTISTIKOA TAILERREKO LANEN IX. ERAKUSKETAN kolore, forma eta tamaina desberdinetako goxoki, piruleta eta karameloen artean egon gara baina… ezin ukitu, ezin hartu, ezin ahora eraman edo poltsikoan sartu!! Pozik taldekideok elkarrekin eta kolorez blai, elkarrizketa luzeak egin ditugu artelan zoragarriak ikusten genituen bitartean. Txalo zaparradak airetan botaz eskerrak eman dizkiegu bertako lanen egileei. Mila esker! Hurrengorako prest gaituzue berriro bisitan joateko.
