“Naturaren oparotasuna” gaia hartuta, proposatutako argazkien inguruan aurkezpenak egin eta sortutako bizipenak partekatzeko tartea izan dugu, parte hartzaileen artean.
Saioari sarrera eman diogu naturak eskaintzen digunak gugan duen eraginaren garrantzia azpimarratuz. Sortzen dizkigun emozio eta bizipen ezberdinen dantzak partekatu ditugu eta momentuan sortutako hori argazki batean jasotzeak duen zailtasunari ere egin diogu aipamena.
Argazkiak ateratzeko momentuan bizitakoei hitza jartzen saiatu gara eta aukeratutako hitzak jaso eta idatzi ditugu: koloreak, janaria, energia, jolasteko aukera, alaitasuna, ura, bista onak, aire garbia, poza, indarra, irribarrea, edertasuna, osasuna, tristura, bizia, oparotasuna, usaina, lasaitasuna, arnasa, emozioak, oroitzapenak, bakardadea, oreka…
Ikastolako sarreran ikusgai dauden argazkiak ikusi eta jasotako hitzak irakurtzean ikastolako kideei ere naturaren oparotasunaz jabetzeko aukera txiki bat eskainiko diegula espero!
Amaitzeko bi bonsai zozketatu ditugu parte hartzaileen artean!
Eskerri asko parte hartzaile guztiei!
Hemen parte hartzaileen ARGAZKIAK
