Apirilaren 12tik 16eko astean UZTURPE IKASTOLAko LH 3, 4, 5 eta 6ko neska-mutilek DBH 2koekin batera Ordizia Rugby Elkarteko kideen eskutik rugby sustapen saio ederrak egin dituzte. Egunez egun Lehen mailako gizonezko taldeko jokalari profesionaletatik hasita neska errugbilarien ardurapean gustura aritu dira gure ikasleak errugbiaren oinarriak bereganatuaz, elkarlanaren bidez aisialdiari beste aukera bat zabalduaz. Ordizia Rugby Elkarteak interesa duten gure ikasleak bere gazteentzako ostirala eta igande goizetan eratzen dituzten entrenamendu saioetara gonbidatu nahi ditu. Interesa duzuenok kirol koordinatzaileari adierazi eta beraiengana bideratuko zaituztegu.
UZTURPE IKASTOLAk Ordizia Rugby Elkarteak sustapeneko jardueretan azaldu duten konpromisoa eskertu nahi du.
