KUKU! Emozio programa
Ikastolen Elkarteak Haur Hezkuntzarako garatu duen “KUKU! Emozio programa” martxan jarri dugu, aurtengoan, 5 urteko gelan.
Haur Hezkuntzan oinarrizko emozioak lantzeko, norberarenak ezagutzeko, kudeatzeko eta besteenak hobeto ulertzeko hezkuntza-programa da KUKU!, ahozkotasunean oinarritzen dena. Programa aurrera eramateko berariaz sortutako materiala: album ilustratuak, hormairudiak, emozio txartelak… erabiltzen ari gara, esparru anitzetan, ikastolan zein familian erabilgarri izan daitekeena. Horretarako EHIk eskainitako formazioan parte hartu dugu ikastolako bi irakaslek eta aste honetan Haur Hezkuntzako etapara zabaldu dugu ikasitakoa: materiala aurkeztu eta gure Eraikiz proietuan txertatzeko moduak landu ditugu.
