Skip to main content

Bizikleta eta kasko bilketa

Kaixo familia:

Uzturpe ikastolako bizikidetza taldetik Birzikleta elkartetik jasotako proposamen batekin gatozkizue. Birzikleta elkartearen lemarekin bat egiten dugu  “Ez bizikletarik gabeko umerik, ez umerik gabeko bizikletarik”, hori dela eta, erabiltzen ez dituzuen bizikleta eta kasko bilketa bat burutu nahi dugu. Ondoren, Birzikleta elkarteak behar gehien dutenen artean egingo du banaketa. 

Haur, gazte zein helduen bizikleta eta kaskoak ekar ditzakezue eta bizikletak udaletxeak Zubiaurre taberna atzean duen lokalean jasoko ditugu ondorengo egun eta orduetan:

  • Urtarrilak 25 (astelehena): 16:15/18:15
  • Urtarrilak 27 (asteazkena): 16:15/18:15

Bide batez, ekintza hau gure komunitatean beharra dutenen artean laguntzeko aprobetxatu nahiko genuke, beraz, urtarrilaren 27an 17:00/18:15 artean, aurrez aipatutako lokalera gerturatu zaitezkete bertan utzitako bizikleta edo kaskoren bat aprobetxatzeko, beti ere heldu baten ardurapean egingo da.

Besterik gabe, agur bero bat!

 

Uzturpe ikastolako bizikidetza batzordea 

BIZIKLETA BILKETA KANPAINA (1).pdf

Azken albisteak

Proiektuari amaiera emateko Lehen Hezkuntzako laugarren mailako ikasleek Lehen Hezkuntzako lehen mailako ikasleei ipuin kontaketa egin zieten. Esperientzia aberasgarria bezain gustagarria izan zen gure ikasleentzat.
Pasa den astean ospatu ziren Ikastolen Elkarteak antolaturiko "Piztu jakinmina" jardunaldiak. Bertan ikastola ezberdinetako esperientziak ezagutarazi eta besteek ondo egiten duten horretatik ikasteko aukera izaten da.
Idatzi honen bitartez gure esker ona adierazi nahi diogu Uzturpeko ikastolako komunitate osoari beste behin ere elkartasuna erakusteko egindako ahaleginagatik.
Apirilaren 29an Liburuaren Eguna ospatu da Uzturpe Ikastolan. Euskara Batzordetik egitarau zabala antolatu dute bertako partaideek.