Skip to main content

Uzturpe Ikastola Euskaraldiarekin bat

Euskaraldia euskara ulertzen duten hiztunen arteko ahozko hizkuntza-ohiturak aldatzeko ariketa sozial masiboa da, gizartearen gune guztietara zabaldua eta denborari dagokionez mugatua. Aurtengoan, zehazki azaroaren 20tik abenduaren 4a bitarte gauzatuko dugu.

Beste era batera esanda, Euskaraldiaren helburua da gure hizkuntza ohiturak aldatuz euskararen erabilera handitzea, gutxieneko baldintza euskara ulertzea izanik.

Bigarren edizio honetan, entitateei ere ariketan parte hartzeko gonbidapena egin zaigu, gure eremuetan hizkuntza ohiturak aldatzeko urratsak eman ditzagun, eta entitateko kideen parte-hartzea susta eta babes ditzagun. Horretarako arigune desberdinak identifikatu ditugu eta ikastolako langileak  Aho Bizi edota Belarri Prest rola hartzera gonbidatu ditugu.

Horretaz gain, nahiz eta gure ikasleek ezin duten ofizialki parte hartu (16 urtetik gorakoentzat zuzenduriko ariketa baita) lanketa berezia egingo dugu beraiekin. Zentzu horretan Euskaraldiak berak proposatutako unitate didaktikoa garatuko dugu, hizkuntza neurketak gelaka egin ditugu eta horrekin guztiarekin ikasleen hizkuntza ohiturak aldatu eta ikastolako erabilera datuak igo nahi ditugu.

Azkenik, familiak ere animatu nahi zaituztegu norbanako gisa parte hartzera eta, era horretan, zuen inguruan hizkuntza ohiturak aldatzeko ahalegina egitera. Oraindik izena eman ez baduzue garaiz zabiltzate, sar zaitezte www.euskaraldia.eus helbidean eta izena eman ezazue.

Azken albisteak

Udazken honetan berriro ere martxan dira gure herriko hiru ekimen solidario eta euskaltzale: Errigora kanpaina, Seaskako egutegi salmenta eta Xiberuko Ikaskoliren saski salmenta.
Haur Hezkuntzako etapan haurrak pentsamendu sinbolikoa garatzen hasten dira. Momentu honetan, harremanak hasten dira eta taldea agertzen da.
Iazko ikasturteari jarraipena eman nahian, hasi da ostiralero-ostiralero Argitxo gure ikasle txikienen etxeetara bisitak egiten.
DBH4ko ikasleek Maite Etxeandiaren bisita jaso dute