Skip to main content

Uzturpe Ikastola Euskaraldiarekin bat

Euskaraldia euskara ulertzen duten hiztunen arteko ahozko hizkuntza-ohiturak aldatzeko ariketa sozial masiboa da, gizartearen gune guztietara zabaldua eta denborari dagokionez mugatua. Aurtengoan, zehazki azaroaren 20tik abenduaren 4a bitarte gauzatuko dugu.

Beste era batera esanda, Euskaraldiaren helburua da gure hizkuntza ohiturak aldatuz euskararen erabilera handitzea, gutxieneko baldintza euskara ulertzea izanik.

Bigarren edizio honetan, entitateei ere ariketan parte hartzeko gonbidapena egin zaigu, gure eremuetan hizkuntza ohiturak aldatzeko urratsak eman ditzagun, eta entitateko kideen parte-hartzea susta eta babes ditzagun. Horretarako arigune desberdinak identifikatu ditugu eta ikastolako langileak  Aho Bizi edota Belarri Prest rola hartzera gonbidatu ditugu.

Horretaz gain, nahiz eta gure ikasleek ezin duten ofizialki parte hartu (16 urtetik gorakoentzat zuzenduriko ariketa baita) lanketa berezia egingo dugu beraiekin. Zentzu horretan Euskaraldiak berak proposatutako unitate didaktikoa garatuko dugu, hizkuntza neurketak gelaka egin ditugu eta horrekin guztiarekin ikasleen hizkuntza ohiturak aldatu eta ikastolako erabilera datuak igo nahi ditugu.

Azkenik, familiak ere animatu nahi zaituztegu norbanako gisa parte hartzera eta, era horretan, zuen inguruan hizkuntza ohiturak aldatzeko ahalegina egitera. Oraindik izena eman ez baduzue garaiz zabiltzate, sar zaitezte www.euskaraldia.eus helbidean eta izena eman ezazue.

Azken albisteak

LH 1, 2 eta 3 mailetako ikasleek igeriketa ikastaroa izan dute azken hiru aste hauetan. Asko ikasteaz gain, primeran pasa dute!
Lehen Hezkuntza etapari amaiera ematear dauden honetan, LH 6. mailako ikasleak Eureka Zientzia Museoan izan dira elektrizitatearen inguruko tailer batean. 
Joan den asteazkenean Tolosaldeako Eskolako Agenda 2030 Topaketa ospatu zen Tolosako Tringulo plazan. Uzturpe Ikastolako Lehen Hezkuntzako Agenda 30eko ordezkariak bertan izan ziren. 
Proiektuari amaiera emateko Lehen Hezkuntzako laugarren mailako ikasleek Lehen Hezkuntzako lehen mailako ikasleei ipuin kontaketa egin zieten. Esperientzia aberasgarria bezain gustagarria izan zen gure ikasleentzat.