Pasar al contenido principal

Uzturpe Ikastola Euskaraldiarekin bat

Euskaraldia euskara ulertzen duten hiztunen arteko ahozko hizkuntza-ohiturak aldatzeko ariketa sozial masiboa da, gizartearen gune guztietara zabaldua eta denborari dagokionez mugatua. Aurtengoan, zehazki azaroaren 20tik abenduaren 4a bitarte gauzatuko dugu.

Beste era batera esanda, Euskaraldiaren helburua da gure hizkuntza ohiturak aldatuz euskararen erabilera handitzea, gutxieneko baldintza euskara ulertzea izanik.

Bigarren edizio honetan, entitateei ere ariketan parte hartzeko gonbidapena egin zaigu, gure eremuetan hizkuntza ohiturak aldatzeko urratsak eman ditzagun, eta entitateko kideen parte-hartzea susta eta babes ditzagun. Horretarako arigune desberdinak identifikatu ditugu eta ikastolako langileak  Aho Bizi edota Belarri Prest rola hartzera gonbidatu ditugu.

Horretaz gain, nahiz eta gure ikasleek ezin duten ofizialki parte hartu (16 urtetik gorakoentzat zuzenduriko ariketa baita) lanketa berezia egingo dugu beraiekin. Zentzu horretan Euskaraldiak berak proposatutako unitate didaktikoa garatuko dugu, hizkuntza neurketak gelaka egin ditugu eta horrekin guztiarekin ikasleen hizkuntza ohiturak aldatu eta ikastolako erabilera datuak igo nahi ditugu.

Azkenik, familiak ere animatu nahi zaituztegu norbanako gisa parte hartzera eta, era horretan, zuen inguruan hizkuntza ohiturak aldatzeko ahalegina egitera. Oraindik izena eman ez baduzue garaiz zabiltzate, sar zaitezte www.euskaraldia.eus helbidean eta izena eman ezazue.

Azken albisteak

Este otoño se vuelven a poner en marcha tres iniciativas solidarias y euskaltzales de nuestro pueblo: La campaña Errigora, la venta del calendario de SEASKA y la venta de cestas de Xiberuko Ikaskoli.
En la etapa de Educación Infantil los niños y niñas comienzan a desarrollar el pensamiento simbólico. En este momento, empiezan a relacionarse y aparece el grupo.
Con el objetivo de dar continuidad al curso pasado, Argitxo ha comenzado todos los viernes a realizar visitas a las casas de nuestros alumnos más pequeños.
El alumnado de 4º de la ESO ha tenido la visita de Maite Etxeandia