Skip to main content

Formazio saioak Haur Hezkuntzan

Gure ikasleen akonpainamenduan hobetze bidean, etengabe ari gara gure egitekoa eta geure proiektua nola hobetu pentsatzen; formazio saio ezberdinetan parte hartuz, ikastolan hausnarketarako tarteak irekiz, aldaketak proposatuz, baloratuz… Horretarako eskaintzen diren formazio saio ezberdinetan parte hartzea ezinbestekoa da guretzat. Hilabete honetan, Haur Hezkuntzan Hik Hasi-k antolatutako “0-6ko hezitzaileentzako udazkeneroko jardunaldietan” parte hartu dugu, aurtengoan, “Txikitako Beldurrak” izenburupean. Eskerrik asko Hik Hasi urtero horrelako aukerak eskaintzeagatik!

Bestetik XIV Psikomotrizitate Praktikari buruzko jardunaldietan ere izan gara, “Loturaren Balioa” izenburupean oraingoan. Bertan jasotakok gure eguneroko jardunean fruituak ematen jarraituko dute ziur!

Azken albisteak

Proiektuari amaiera emateko Lehen Hezkuntzako laugarren mailako ikasleek Lehen Hezkuntzako lehen mailako ikasleei ipuin kontaketa egin zieten. Esperientzia aberasgarria bezain gustagarria izan zen gure ikasleentzat.
Pasa den astean ospatu ziren Ikastolen Elkarteak antolaturiko "Piztu jakinmina" jardunaldiak. Bertan ikastola ezberdinetako esperientziak ezagutarazi eta besteek ondo egiten duten horretatik ikasteko aukera izaten da.
Idatzi honen bitartez gure esker ona adierazi nahi diogu Uzturpeko ikastolako komunitate osoari beste behin ere elkartasuna erakusteko egindako ahaleginagatik.
Apirilaren 29an Liburuaren Eguna ospatu da Uzturpe Ikastolan. Euskara Batzordetik egitarau zabala antolatu dute bertako partaideek.