Skip to main content

Gorputz Adierazpena Haur Hezkuntzan

Hasi dugu ikasturte berria eta berarekin berrikuntzak datoz Haur Hezkuntzara!!

Askotan aipatu dugu mugimenduak duen garrantzia etapa honetan eta horretarako prestatutako espazioak baditugu. Orain mugimendua eta musika lotuz, gure ikasleek gorputz adierazpena  lantzeko aukera ere izango dute. Astean bi goiz izango dituzte horretarako eta bereziki, prestatutako musikaz gain, zapiak eta kariokak erabiltzeko aukera izango dute.

Iazko kurtsoan Haur Hezkuntzako irakasleok “Biodantza”-ko formazio bat egin genuen. Biodantza, bizitzaren dantza bezala ere ezagutzen da. Bertan gorputz adierazpena sistema bat izateaz gain, garapen pertsonaleko proposamena ere badela ikasi genuen. Gaitasun asko garatzen direlarik, hala nola: hitzez eta hitzik gabeko gaitasuna, besteekin harremantzeko gaitasuna, norberaren sentimenduak adierazteko gaitasuna, elkarlana eta kooperazioko gaitasuna, konfiantza, enpatia…

Bizi dugun jendartean pentsamenduaren garrantzia gailendu da, gorputzaren eta emozioen kontzientzia eta adierazpenaren gainetik. Baina hezkuntza prozesuak (eta bizi prozesuak orokorrean)esanguratsuak izan daitezen, ezinbestekoa da pertsona osatzen duten hiru oinarriak kontuan izan eta bateratzea: emozioak, pentsamendua eta gorputza. Eta hori lortzen saiatuko gara gu ere: SENTITU, PENTSATU ETA EGIN!

Azken albisteak

LH 5eko ikasleak egun zoragarria igaro zuten Donostiako Eureka! Zientzia Museoan. Bisita hasteko, planetarioaz gozatzeko aukera izan zuten.
DBH4ko ikasleak Ormaiztegiko "Zumalakarregi Museoan" izan dira, Karlistaden eta Industrializazioaren inguruko erakusketaz gozatzen.
LH5eko ikasleek Tolosaldeko Mankomunitateak antolatutako Ekin kanpainan parte hartu dute.
Ikastolaren eraldaketa prozesuari hasiera eman diogu gure lehenengo klaustroan.