Skip to main content

Kirol Egokitua Gorputz Hezkuntzan

KIROL EGOKITUA GORPUTZ HEZKUNTZAN

Kirola eta jarduera fisikoaren mundua oso zabala da eta gure saioetan mundu horretako espazio ezberdinetara iristea dugu helburu. Bide horretan, zorionez, gure gizartean geroz eta zabalduagoak dauden kirol egokituak landu ditugu, aniztasun funtzionala duten pertsonen paperean jartzen saiatuz eta gaiarekiko sentsibilizazioa sustatuz. Kirol ezberdinen artean, boleibol egokitua, saskibaloia gurpildun aulkian, boccia eta goalball bezelako ekintzak burutu ditugu, ikasleak urritasun egoera ezberdinetan ipiniz.

 

BEÑAT LIZASOREN HITZALDIA

Gorputz hezkuntzan kirol egokitua landu dugula aprobetxatuz, saio hauei amaiera emateko gaiarekin loturiko hitzaldia antolatu genuen urtarrilaren 29an. Hizlaria Beñat Lizaso Usurbildarra izan zen. 11 urterekin istripu baten ondorioz hanka galdu zuenetik, bere bizitza nola aldatu zen azaldu zien ikasleei eta prozesu guzti honetan kirolak berarentzat izan duen garrantzia. Muga fisikoak tarteko, kirol asko egin izan ditu Lizasok, hala nola, bizikleta edo pala gurpildun aulkian. Egoera gogorrak izan arren bizitzan aurrera egin behar zela azaldu zien ikasleei eta horretan eredugarria izan da bere bidea. Mila esker Beñat.

 

Azken albisteak

Sukaldaritza tailerra LH4,5,6
LH

LH4, 5 eta 6ko ikasleak sukaldaritza tailerrean

Lehen Hezkuntzako 4-5-6.mailetako sukaldaritza tailerra astero egiten dute. Bertan sormena zaporeekin nahasten dute eta emaitza goxo goxoak dastatzeko aukera ere izaten dute.
Zarautz LH1,2,3
LH

LH1, 2 eta 3ko ikasleak Zarautzera irteera egin dute

Lehen hezkuntzako 1., 2. eta 3. mailako ikasleak Zarautzen izan dira bi eguneko irteera egiten. Eguraldia lagun hondartzan, bueltaxkak egiten, jolasean...primeran ibili dira eta izugarri gozatu dute.
Egutegi eta saskiak
Orokorra

Euskara eta Euskal Herriaren aldeko ekimenak

Udazken honetan berriro ere martxan dira gure herriko hiru ekimen solidario eta euskaltzale: Seaskako egutegi salmenta, Xiberuko Ikaskoliren saski salmenta eta Hendaiako Ikastolako abentuko egutegiak.
Tinko LH
LH

Tinko zinema euskaraz programa Lh1, 2 eta 3

Tinko zinema euskaraz programa dela eta lehen hezkuntzako 1., 2. eta 3. mailako ikasleak Tolosako Leidor aretoan izan ziren. Eguraldia lagun zutela ikusirik, pelikula ostean primeran ibili ziren  parkean jolasean!
Gehiago