HARREMAN BERRIAK ERAIKITZEN.
Otsaila bukaeratik hona, Lehen Hezkuntzako 3.mailatik 6.mailara bitarteko ikasleek jolas garaian jolas berriak ezagutzeko aukera izan dute. Hilabete honetan zehar, astean behin, maila bereko ikasle guztiek jolas gidatu batzuk probatu dituzte. Hala ere, oporretatik bueltan parte hartzea librea izango da. Nahi duenak badaki, asteazkenero, jolas libreaz gain, beste jolas batzuk, beste baliabide batzuk eta beste harreman batzuk probatzeko aukera izango duela.
