Skip to main content

Aimar Odriozola TXAPELDUN!!!

Larunbatean Euskadiko XXXV. Gipuzkoar Aurresku txapelketa jokatu zen, Pasai Antxon.  Ibartarrak lehen aldiz hartu zuen parte 15 urtetik gorakoen kategorian.

Odriozolak kategoria honetan lehen aldia zuen arren, txapela eskuratu zuen. Txapelketa horietan ohikoa den moduan, txapelaz gain, Ibarrako Udalean jartzeko trofeo bat ere eman zioten. Trofeo hori, udaletxean egongo da hurrengo urtera arte. Orduan irabazten duenak bere herrira eraman ahal izango du. Hiru aldiz jarraian herritar berak irabaziko balu txapelketa, herri horretako udaletxean geratuko litzateke betirako trofeoa.


Alurr dantza taldearen izenean, Odriozola  eta bere irakasle den Iñaki Agirre zoriondu nahi izan dituzte, lortutako txapelagatik:  "Herritar guztion partetik, zorionik beroenak Aimar Odriozola ibartarrari eta baita ere txapelketa hauen prestaketetan bere irakasle den Iñaki Agirreri ere. Emaitzak ikusi besterik ez dago egiten duten lana goraipatzeko".

 

 

Azken albisteak

LH5eko ikasleek Tolosaldeko Mankomunitateak antolatutako Ekin kanpainan parte hartu dute.
Gau Beltzaren Ibilbidean aritu diren ikasle eta irakasleekin ibilbidearen balorazioa, hurrengo urterako proposamenak eta eskertza egin dugu ikastolan.
DBH 4ko ikasleak  Galtzagorri Elkarteak sustatutako Podcast grabazioan izan ziren. Iazko ikasturtean gure ikasleek "Liburu Gaztea" lehiaketan parte hartu eta lehen saria eskuratu zuten.
Beste ikasturte batez, Ibarra Martxan ekimenarekin bat egin du Uzturpe Ikastolak.