Skip to main content

Ibarrako Azoka 2019

Familia agurgarriak:

       Irailaren 15an Ibarran ospatuko den Azoka Berezia dela eta, gogorarazi nahi dizuegu Ikastolak, urtero bezala, postua jarriko duela.

       Aurtengoan ere, plaza sarrerako zubi ondoan izango dugu gure tokitxoa. Bertan ikastolako jantziak ikusteko eta neurri desberdinetako jantziak probatzeko aukera egongo da (sudaderak, kamisetak, legginak…). Beraz, zuen seme-alabekin etorri, jantziak probatu eta hauetako edozein jantzi gustukoa izanez gero, bertan enkargatzeko aukera izango duzue.

13:00etan, Uzturpe Ikastolaren aldeko zozketa izango dugu. Ikastolako komunitateak eskainitako produktuez osaturiko bi sorta zozketatuko dira, ikastolako postuan bertan. Informazio gehiago hemen: https://www.uzturpe.eus/zozketa2019

       Honetaz gain, DBHko ikasleak haurren aurpegiak margotzen arituko dira (11:30-13:00), eta frantses tailerreko ikasleek talo postua izango dute Emeterio Arrese inguruan, ikasturtean zehar egingo duten elkartrukerako diru-laguntza lortzeko helburuarekin.

       Jakin ere, honen guztiaren muntatze eta desmuntatze lanetan laguntzeko prest baldin bazaudete, aurreko eguneko (irailak 14, larunbata) arratsaldeko 16:00etan, edota igandean bertan 14:00etan, Ibarrako plazara ager zaitezketela.

Aldez aurretik mila esker,

Usue Sukia

Uzturpe Ikastolako Zuzendaria

Azken albisteak

LH 1, 2 eta 3 mailetako ikasleek igeriketa ikastaroa izan dute azken hiru aste hauetan. Asko ikasteaz gain, primeran pasa dute!
Lehen Hezkuntza etapari amaiera ematear dauden honetan, LH 6. mailako ikasleak Eureka Zientzia Museoan izan dira elektrizitatearen inguruko tailer batean. 
Joan den asteazkenean Tolosaldeako Eskolako Agenda 2030 Topaketa ospatu zen Tolosako Tringulo plazan. Uzturpe Ikastolako Lehen Hezkuntzako Agenda 30eko ordezkariak bertan izan ziren. 
Proiektuari amaiera emateko Lehen Hezkuntzako laugarren mailako ikasleek Lehen Hezkuntzako lehen mailako ikasleei ipuin kontaketa egin zieten. Esperientzia aberasgarria bezain gustagarria izan zen gure ikasleentzat.