Irudia
Aurten 3. aldiz Gau Beltza ospatu da Ibarran. Bertan, herriko hainbat eragile eta boluntariok iluntze ezin hobea antolatu dute. Gau Beltzak, gure ohiturak berpizteko eta komunitatea indartzeko eta sendotzeko bidea ireki digu. Izan ere, ibilbidean 50 bat boluntario, irakasle eta ikasle aritzeaz gain, 350 pertsonek baino gehiagok eman zuten izena tailerretan eta ibilbidean parte hartzeko. Kontsumismotik urrundu eta euskal kultura, euskara eta herritartasunaren erakusleiho bihurtu da Ibarrako Gau Beltza. Ezin bestean gure eskerrik onena egun horretan aritu ziren guztiei: Gaztezulo, Udala, Hauspoa, Koroa, Alurr, Loatzo, Uzturpe ikastolako ikasle, irakasle eta familiei.
