Kaixo Uzturpeko ikasle, familia eta langile:
Idatzi honen bitartez gure esker ona adierazi nahi diogu Uzturpeko ikastolako komunitate osoari beste behin ere elkartasuna erakusteko egindako ahaleginagatik.
Duela gutxi, Donamartiriko (Nafarroa Beherea) Arberoa ikastolaren alde antolaturiko Elkartasun Kilometro arrakastatsua antolatu genuen bizikidetza taldeko eta LH 6ko ikasleen lanari esker. Ekintzak bere fruituak eman ditu, alde batetik, 1370,18 euro lortu dira eraikinaren birgaitze lanetarako eta bestalde, zenbakitan neurtu ezin daitekeen esperientzia bizitzeko aukera izan genuen. Beraiek gure ikastola, herria eta ekimena ezagutzeko aukera izan zuten, gure ikasleekin batera, Elkartasun kilometroan parte hartuz, herria ezagutzeko ekintzak burutuz eta ikastolan bertan lo eginez. Guretzat ere oso aberasgarria izan da beraien errealitatea eta egoera zailetara egokitzeko duten gaitasuna gertutik ezagutzea.
Pozarren hartu zuten gure ekarpena eta izandako bizipenerako aukera. Hona hemen beraien eskertza bertsoak eta abestu zituzten unea.
