Irudia
Urtero bezala, iritsi zaigu 2 urtekoei eraikin handira bisitan joateko eguna. Goizean goiz autobusa hartu eta ikastola handira iritsi dira. Bertan, beso zabalik zain genituen ikasle, irakasle, lagun eta anai-arrebak. Pixkanaka-pixkanaka gela eta txoko ezberdinak esploratzen hasi, horietan jolasean aritu eta beste haurrekin elkarreraginean egoteko aukera paregabea izan dute.
Ondoren, psikomotrizitate gelara jaitsi dira, hamaiketakoa egin ostean, saioari hasiera eman diote. Saltoak, txiribueltak, espalderetan igo eta jaitsiz aritu dira.
Jolas tokiko eremu berriak ezagutu eta horietan jolasean ibiltzeko ere aprobetxatu dute .
Esperientzia berriak bizita itzuli dira etxera, datorren hilabetean berriz ere bertan izango dira!
