Skip to main content

UZTURPE IKASTOLAK EUROPA MAILAN ZIENTZIA ETA TEKNOLOGIA IKASARLOAN EMATEN DEN ZIURTAGIRI GORENA LORTU DU

Irudia
stem label

UZTURPE IKASTOLAK EUROPA MAILAN ZIENTZIA ETA TEKNOLOGIA IKASARLOAN EMATEN DEN ZIURTAGIRI GORENA LORTU DU

Uzturpe Ikastolak, bere eguneroko jardun pedagogikoaren aitortza gisa, EXPERT STEM SCHOOL LABEL ziurtagiria lortu du, Europako ikastetxeen zientzia eta teknologia ikasarloen gaitasun zigilua, alegia. Akreditazio prozesuak hiru maila ditu (Competent, Proficient and Expert) eta Uzturpek bere hezkuntza proiektuari esker hirurak jarraian lortu ditu. 

Prozesua Ikastolen Elkarteko Scientix enbaxadorea den Erramun Martiarenaren gidaritzapean burutu da, eta hiru atal ditu: antolaketa, ikastolan burutzen diren proiektu desberdinen ebidentzien bilketa eta azken galdetegia. 

Labelak zazpi eremu aztertzen ditu: ikas-irakaskuntza prozesua, curriculum ezarpena, ikaskuntza ebaluazioa, ikastetxearen azpiegitura, lidergoa, loturak eta harremanak eta hezitzaileen profesionalizazioa.

Zientzia irakasleak izan badira ere prozesua aurrera eramatearen arduradunak, ezinbestekoa izan da ikastolako komunitatearekin izandako elkarlana eta koordinazioa. 

Zigilu honen lorpenerako egindako lanak Ikastolan burutzen den jardun pedagogikoaren inguruan hausnartzeko aukera eman digu, ditugun ahulguneak eta indarguneak identifikatzea ahalbidetuz. Bestalde, hezitzaileen etengabeko formazioaren garrantzia eta  lanareriko dugun hobekuntza konpromisoa berresteko balio izan du. 

Ziurtagiriak etorkizuneko erronkak gogotsu heltzen jarraitzeko indarrak eman dizkigu, eraikitzen dihardugun hezkuntza proiektua bide onetik dijoala erakutsi baitigu. Herritar kritiko eta kontzientziadunak hezteko helburuaz, konpetentzia zientifiko eta teknologikoak modu integralean lantzen  jarraituko dugu.

 

 

Azken albisteak

Irailaren 25 eta 26an DBH 3 eta 4ko ikasle eta irakasleak Etxarriko kanpinean izan ziren bi egunetako irteera burutzen, harremanak eta elkarbizitza indartzeko helburuarekin
Aurten berriro egingo dira Eskola Kirolaren Olinpiadak. Emaitzak baino gehiago, parte hartzea sarituko da.
Hasi dira Familia Bilera Orokorrak
Joan den ostiralean, 3, 4 eta 5 urteko ikasleek mendi buelta txiki bat egin zuten ikastolaren inguruan