KANPO ESPAZIOA ETA JOLASLEKUKO HORMA
Ikastolako kanpo espazioan joan den otsailean erori zen horma zatiaren ondorioz, konponketa lanak hasi ziren aste santuetako oporraldi garaian. Udalak, gertaturikoa eta hormaren egoera teknikari ezberdinekin aztertu ondoren, horma zaharra bere osotasunean bota eta harri-lubeta berri bat eraikitzea erabaki du.
Horretarako, emergentzia egoeratako prozedurak jarri behar izan dira martxan. Ikasturte amaierarako harri-lubeta berria prest egongo da eta era horretara udan hastea aurreikusita zegoen kanpo espazioko obrari ekingo zaio. Uda guztian lanean aritu arren, irailerako ez da obra guztiz amaitua izango eta ikasturte hasieran, orain gauden moduan, kanpo espazioko azalera zati bat soilik egongo da erabilgarri.
Edonola ere, hilabete batzuk barru, kanpo espazio berria guztiz erabilgarri egongo da Ikastolako komunitate osoaren eta herritarren gozamenerako.
