DBHko IKASLEEK BATXILERGOKO ETA LANBIDE HEZIKETAKO ESKUALDEKO ESKAINTZA EZAGUTU DUTE
DBH 3ko eta DBH 4ko ikasleek eskualdeko Batxilergoko eta Lanbide Heziketako eskaintza ezagutu dute hainbat bisita egin ostean. DBH4ko ikasleek Laskorain ikastolako Batxilergoko eskaintza ezagutu zuten azken ikastola honetako ordezkarien bidez. Ikasle hauek ere eskualdeko Lanbide Heziketako eskaintza ezagutu zuten lehenik ikasturte hasieran Tolosaldea Lanbide Heziketako zentroa ezagutuz eta azken asteetan Inmakulada Lanbide Heziketa Ikastolako eskaintza ezagutuz eta Zizurkilgo Fraisoro Nekazal Eskola bisitatuz.
Bestetik, DBH 3ko ikasleek Tolosaldeko Lanbide Heziketako azoka bisitatu zuten joan den ostiralean Tolosan. Bisita honen bidez eskualdean dagoen Lanbide Heziketako eskaintza ezagutzeaz gain, hurrengo urterako hartu beharreko hautazko ikasgaien inguruan erabakiak hartzeko informazio baliagarria jaso zuten.
