Skip to main content

Taldekatzea eta adin nahasketa Haur Hezkuntzan

Irudia
HH enpatikoa

TALDEKATZEAK ETA ADIN NAHASKETAK

Haur Hezkuntzako etapan haurrak pentsamendu sinbolikoa garatzen hasten dira.  Momentu honetan, harremanak hasten dira eta taldea agertzen da. 

Harreman-izakiak gara eta besteari begiratuz eta elkar-eraginez ikasten dugu. 

ERAIKIZ proiektuan taldekatzeak modu ezberdinetara egiten ditugu eskainitako ekintzaren arabera: talde erreferentetan(gelaka), mailako taldeetan (adinka) eta zikloka (3-6urte) edo/eta ekintza puntualetan etapen artean.

Ikaste prozesuan oso aberatsa iruditzen zaigu adin desberdinen nahasketa bat ematea. eta duela urte batzuetatik era naturalean egiten dugu.

Egunerokoan, gure espazio eta denbora antolaketari esker haur bakoitzak erabakitzen du norekin elkartu, bere interes, behar edo erritmoaren arabera, talde heterogeneoak, dinamikoak, naturalak sortzea ahalbidetuz. Horrela, gune eta une batzuetan adin ezberdinetako haurrak elkartzea gertatzen da. 

Bakoitzak erabakitzen duenez non, noiz eta norekin egon, eta badakienez, orain aukerarik ez badu (espazio bat beteta dagoelako adibidez), datorren saioan izango duela, askoz lasaiago bizi dituzte eguneroko egoerak eta liskarrak asko gutxitzen dira, ingurukoekin harreman orekatu, eraikitzaile eta harmoniatsuak izateko aukerak areagotuz. 

Adin nahasketa honek aberastasun handia dakar: haurren arteko harremanak areagotzen dira. Izan ere, batzuek helduagoei begira ikasteko aukera duten bitartean (imitazio rol desberdinak hartzen joateko aukerak), helduak txikiagoekin elkartzean (nagusiagoak izanik) beren zaintza jokabideak aktibatu eta  laguntza jarrerak sortzen dira.

Argazkiak hemen

 

Azken albisteak

Irailaren 25 eta 26an DBH 3 eta 4ko ikasle eta irakasleak Etxarriko kanpinean izan ziren bi egunetako irteera burutzen, harremanak eta elkarbizitza indartzeko helburuarekin
Aurten berriro egingo dira Eskola Kirolaren Olinpiadak. Emaitzak baino gehiago, parte hartzea sarituko da.
Hasi dira Familia Bilera Orokorrak
Joan den ostiralean, 3, 4 eta 5 urteko ikasleek mendi buelta txiki bat egin zuten ikastolaren inguruan