Skip to main content

2023/05/12

KO-laborantzan

Hitz joku honen aterpean, maitzatzaren 10 eta 11n IORTIA, Kultur Gunean (Altsasun), EHIko praktika onen jardunaldiak burutu ziren. 2023ko topaketan, KO-elkarrekin lan egitearen beharra, garrantzia eta aukerak jarri ziren balorean, ikastolen sartzea indartzea helburu. 

Gonbidapena jaso eta ikastolako bi esperientzia ezberdin partekatzeko aukera izan genuen, bai 12-18 eta baita 0-12 adin tarteko topaketetan. 

Bi egunetan Hitzaldia eta Solasaldia izan zen lehenik, Manuel Fernandez Navas-en eskutik: “Lesson Studie” esperientzia irakaste kolektibo globala elkarrekin eraikitzeko.
Maiatzaren 10ean DBHko praktika onak partekatu ziren, horien artean gurea: Maileguak iragarketan. Bertan, DBH3ko ikasleek beraien esperientzia kontatu zuten musika irakasgaian egin zuten proiektu honen inguruan.

Maiatzaren 11n aldiz HH eta LHko praktika onak partekatu zituzten, horien artean ere, gurea, Miru Begiak ebaluazioaren ikuspegia Haur Hezkuntzan, Usue Sukia eta Maria Probanzaren eskutik.

Taldean eta taldetik egindako eraldaketa oinarri, elkarrekin pentsatu eta ikasteko joera azpimarratuz, pertsonekiko (haur zein helduekiko), espazio, material eta denborekiko landu dugun eta guretzat hain garrantzitsua den  begiradatik, Haur Hezkuntzan egunerokoan ebaluazioak duen garrantzia eta burutzen ditugun prozesu eta eskuahartzeak azaltzen saiatu ginen laburrean. Familiekin partekatzen ditugun ebidentzien artean, ikasturte amaieran familia bakoitzari ematen diogun miru begi baten adibidea ikusteko aukera ere eskaini genuen. 

Esperientzia oso anitzak eta interesgarriak entzuteko aukera izan genuen: diziplina desberdinak, diziplinartekoak, irakasgai zein irakasleen koordinazioa… Hartu-eman horretan, elkarrekin ikastea, elkarren jakinmina piztu eta aberastea izan da gure helburu nagusia, denon artean ikastolen sarea indartzeko.

Portadako irudia
Irudia
irudia

Azken albisteak

2024-02-28
Otsailaren 27an, ikastolako Agenda 30eko ordezkari diren bi ikasle, Amets Mendizabal eta Enara Amundarain, udaleko ordezkariekin bildu ziren aurtengo esku hartzea zein izango den azaltzeko. 
2024-02-28
LH5.mailakook joan den astean Real Sociedad fundazioaren "Amets bat" ekimenaz gozatzeko aukera izan genuen. Goizean zehar, Reale Arena zelaira gerturatu ginen eta hango instalazioak bisitatu, Realaren historiari eta balioak…
2024-02-16
DBH 1eko ikasleek Nerea Loiola Pikaza idazlearen bisita jaso dute. Sortzaile honek adin horretara egokitutako 7G Udalekuak liburua aurkeztu zuen. Liburu hau euskaraz eginiko lehen eskapu liburua da, hau da, irakurlea…
2024-02-15
Uzturpe Ikastolako Euskara Taldeak eta Haur Hezkuntzako irakasleok "GORA EUSKARA" kanpaina martxan jarri genuen Nazioarteko Euskararen Eguna aitzakitzat hartuz. Kanpaina hau Argitxo Bidaiariarekin ari gara lantzen,…