Nola zabaldu ezagutza Wikipediaren bidez?
Ibarrako herria eta Uzturpe Ikastola Wikipedian
Uzturpe Ikastolak eta Ibarrako Udalak elkarlanean antolatutako XXI. Kultur Astearen barruan, Wikipedia eta bere erabileraren inguruko saio bat izango dugu telematikoki.
Ongi dakizuen bezala, 2020 urtean Uzturpe Ikastolak 50 urte bete ditu, eta joan zaigun urte aldrebes horretan, ezin izan ditugu nahi bezala bildu eta dokumentatu urte guzti horietako istorio, bitxikeri eta zehaztapenak.
Ikastolan hainbeste erabiltzen dugun Wikipedia, tresna eta baliabide egokia izan daitekela pentsatu dugu hutsune hau betetzeko.
Dagoeneko argitaratu dugu Ikastolari buruzko lehen artikulua, abiapuntu izan nahi du eta edonork osatu, zuzendu eta elikatzeko jarri da eskura: https://eu.wikipedia.org/wiki/Uzturpe_Ikastola
Bide batez, saio berean, Ibarrako herriak Wikipedian duen presentzia ere aztertuko dugu eta edozein herritar edo nahi duen orok, bere ekarpenak nola egin ditzakeen azalduko dugu.
Gure apaletako liburuetan, gure kaxetako paper zaharretan, eta gure buruetan daukagun ezagutza hori, zabaldu eta edonoren eskura uztea izango litzateke helburua.
Imajina ezazu mundu bat non gizaki guztiek askatasunez zabal dezaketen ezagutza guztia.
Eguna: Urtarrilak 28
Ordua: 18:00
Tokia: https://meet.jit.si/EWKE
Hizlaria: Galder Gonzalez (Euskal Wikilarien Elkartea)
