UZTURPE IKASTOLAKO 30. ARI GARA LITERATUR ALDIZKARIA
Dagoeneko UZTURPE IKASTOLAko web orrian azaltzen da 30. ARI GARA literatur aldizkaria. Bertan , LH 3, 4, 5 eta 6ko ikasleen literatur lanak eta marrazkiak azaltzen dira.
Literatur lanak 3 ataletan banatzen dira: bertsoak, poemak eta ipuinak agertzen dira. Bertsoetan Ane Zubia DBHko ikasleak ikastolara helarazitako bertsoa azaltzen da eta bailarako bertso lehiaketan garaile izandako Natale Gibelalderen bertsoa, besteak beste. Poema sailarekin batera, luze eta landuak diren ipuin ugari jaso da. Ikasleen aldetik idazketa lan oparoa egin da eta bertako idatzi eta marrazkien gaia oro har, Covid 19aren inguruan kokatzen da.
Oraingoz, ARI GARA literatur aldizkaria web orrian azalduko da, baina egoera aldatzen den heinean, aldizkarian parte hartu duten ikasleentzat eta gela bakoitzarentzat ale bat paperean banatuko da.
Ikasleek ikastola osoarentzat eginiko literatur aldizkaria denen eskura dago.
