Skip to main content

JAKIN-MINA

Ikasturte honetan DBH4ko ikasle taldetxo batek JAKIUNDEk antolatutako JAKIN-MINA 2019-2020 GIPUZKOA egitasmoan parte hartu du. Egitasmoaren bederatzigarren edizioa izan da, eta UPV/EHU, Mondragon Unibertsitatea eta Deustuko Unibertsitatearen lankidetza izan du. JAKIN-MINA DBH 4.mailako ikasleei zuzenduta dagoen egitasmoa da, eta bertan ikasleek gai ezberdinen inguruan hainbat adituk emandako hitzaldietan parte hartzeko aukera izaten dute.

Azaroan hasi ziren egitasmoarekin, eta maiatzen emanen diote bukaera ziklo amaierako ekitaldian ziurtagiriak banatuz. Hitzaldiak UPV/EHUko Donostiako campuseko Joxe Mari Korta ikerketa zentroan eskaintzen dira, eta gure ikasleek aurtengoan fisika, neurologia, feminismoa edota eskubide sozialen inguruan ikasteko aukera izan dute. Ikasleen hitzetan, oso interesgarriak izan dira hitzaldiak, aurkezpenaren ondoren galde-erantzunen tarte bat ere izaten dutelako eta adituek gaiak oso sakonki azaldu dizkielako, azalpen praktikoak ere tartean sartuz. Hitzaldi batzuetan tailer estiloko dinamikak ere egiteko aukera izan dute, ikasleen aurre ezagutza eta ideien inguruan lanketa sustatzeko.

Nahiz eta batzuetan “pereza” sentitu ostiral arratsaldeetan hitzaldietara joateko, berriro ere eginen luketela garbi daukate, gai oso ezberdinen inguruan ikasteko balio izan dielako, eta, batez ere, lagungarri izan zaielako benetan ze interes dituzten identifikatzeko erronkan. Egitasmoak jakinmina bizteko aukera paregabea eskaini die gure ikasleei.

 

Azken albisteak

Aurtengo LHko Sukaldaritza tailerra gozo gozo hasi dugu Uzturpe ikastolan. Gure ikasleek fruitu gorrien mermelada kozinatu zuten oraingoan!
LH 5eko ikasleak egun zoragarria igaro zuten Donostiako Eureka! Zientzia Museoan. Bisita hasteko, planetarioaz gozatzeko aukera izan zuten.
Mendi itzuli ederra egin zuten atzo Bedaiotik abiatu eta Balerdipean Urdileko eta Zarateko lepoetatik igaroz. Bertan udazken kolore zoragarriez gozatzeko aukera izan zuten.
DBH4ko ikasleak Ormaiztegiko "Zumalakarregi Museoan" izan dira, Karlistaden eta Industrializazioaren inguruko erakusketaz gozatzen.