Skip to main content

Euskararen egunaren inguruan Galtzaundik

Euskararen egunaren inguruan Galtzaundik tailer bi eskaini zizkien DBH4ko ikasleei: graffiti tailerra eta argazkilaritza tailerra.

Lehenengoaren harira, maiatzaren 12tik 27ra Ibarran herritarren artean euskararen erabilera bultzatzeko gauzatuko den  "I barra-barra" kanpainaren leloarekin graffitia egin zuten plazan.

Bigarren tailerrean norbere ikastetxearen historia 30 argazkiren bidez azaltzea eta bideo bat egitea eskatu zitzaien. Gure ikasle diren Jokin Gurrutxaga, Mara Odriozola eta Asier Artola aritu dira lanketa hori egiten. Gaurtik aurrera, beste ikastetxeekin batera, Tolosako Kultur Etxean argazki erakusketa zabalduko da maiatzaren 4 arte. Egun horretan, atxikiturik bidali dizuegun bideo aurkeztuko dute eta Kike Amonarrizen gidaritzapean gauzatuko da ikasleen hitz hartzea ondorengo gaien inguruan: euskararen egoera herrian, gazteen sozializazioa, hizkuntz jarrerak...

 

Azken albisteak

Aurtengo LHko Sukaldaritza tailerra gozo gozo hasi dugu Uzturpe ikastolan. Gure ikasleek fruitu gorrien mermelada kozinatu zuten oraingoan!
LH 5eko ikasleak egun zoragarria igaro zuten Donostiako Eureka! Zientzia Museoan. Bisita hasteko, planetarioaz gozatzeko aukera izan zuten.
Mendi itzuli ederra egin zuten atzo Bedaiotik abiatu eta Balerdipean Urdileko eta Zarateko lepoetatik igaroz. Bertan udazken kolore zoragarriez gozatzeko aukera izan zuten.
DBH4ko ikasleak Ormaiztegiko "Zumalakarregi Museoan" izan dira, Karlistaden eta Industrializazioaren inguruko erakusketaz gozatzen.