BAKETIK - ELKARBIZITZA - ANTZERKI FORUM
BAKETIKek antolatutako ekimen horretan bizikidetzaren gaineko alderdiak landu ditugu. Irailaren 16a eta 18a bitartean elkarbizitza lantzeko ANTZERKI FORUMA izeneko saioak gauzatu dira gure gelatan. Antzerkiaren bidez alderdi hauek landu ditugu: geure arteko harremanak hobetzea, elkar ezagutzea, gatazken prebentzioan sakontzea, enpatia lantzea... Horretarako antzezlana, horren foruma eta tallerrak burutu ditugu. Horrek guztiak, geure arteko harremanetan eragina izango duelakoan gaude. Esperientzia oso interesgarria eta baikorra izan dela iruditu zaigu. Ikasleen eskuhartze handia eta gogotsua izateaz gain, balio etikoak barneratu ditugula ere, esango genuke.
Antzerki-forum metodologiaren bitartez hiru galderen inguruan hausnartzeko aukera izango da; zer gertatu da eta zergatik? Zer egin dezakegu orain? Zer egin dezakegu etorkizunean errepika ez dadin?
