Irudia
HH2ko ikasleek fruta-tailer batean parte hartu dute, gelako ikaskide baten gurasoa gonbidatu berezi gisa izan dutelarik. Etxetik ekarritako frutak erabiliz, guztion artean mazedonia goxo eta osasuntsua prestatu dute. Prozesuan zehar, frutak bildu, zuritu, zatitu eta nahastu dituzte, eta lan horietan guztietan aktiboki parte hartu dute.
Jarduera honekin, elikadura osasungarriaren garrantziaz jabetzeaz gain, elikagaiak manipulatzeko aukera izan dute, haien autonomia eta ekimena garatuz. Era berean, taldean lan egiteko gaitasuna indartu dute.
Tailerrari amaiera emateko, hamaiketakoan, prestatutako mazedonia dastatu dute, egindako ahalegina eta lana baloratuz eta elkarrekin une atsegin bat partekatuz.
