Irudia
Lehen hezkuntzako 4. mailako ikasleak azken hilabeteetan herri kirolak eta pentatloia lantzen aritu dira ikasgelan. Proiektuari amaiera emateko, gelan ikusi eta ikasitakoa errealitatera ekarri nahi izan dugu, horregatik, azken asteetan ikasleek bisita oso berezi eta aberasgarriak izan dituzte.
Besteren artean, Migel Angel Sukunza txingalari eta sokatiralari ohia, Lur Errandonea harri jasotzaile ohia, Oihana Fernandez De Barrena aizkolaria, eta Andoani Irurtetagoeina "Izeta" herri kirolari eta pentatloilaria izan dira ikastolan.
Ikasleek beraiekin solasean aritzeko aukera izan dute, baita harriak altxatzen eta txingak eramaten aritzeko aukera ere! Ederra izan da.
