SORMENA ETA ELKARREKINTZA HH 2 eta 3KO TAILERRETAN
HH 2-3ko ikasleak tailer ezberdinak egiten jarraitzen dute, esperientzia aberasgarriak sortuz. Tailer hauen helburu nagusia, haurrak ondo pasatzeaz gain, haien sormena garatzea, inguruko errealitatearekin esperimentatzea eta elkarrekintza bultzatzea da. Era berean, hizkuntzaren erabilera sustatzeko aukera paregabeak eskaintzen zaizkie haurrentzako erakargarri den giro batean.
Urte berriarekin batera, gure tailerrak dimentsio berri bat hartu dute, gonbidatu bereziak izateari esker: familien bisitak jasotzen hasi gara! Haien ekarpenek ikastola eta etxearen arteko loturak sendotzen laguntzen digute.
Tailer hauetan, ipuinak entzun, familien lanbide interesgarriak ezagutu eta zaletasun ezberdinetan murgiltzeko aukera izaten dugu. Esperientzia hauek ezagutza eta sormena sustatzea ez ezik, elkarrekin une berezi eta ahaztezinak bizitzea ere ahalbidetzen digute.
