NI PREST NAGO ETA UZTURPE?
Zu eta Ni programa barruan, LH6.mailako ikasleek aukera izan dute Atzegik, desgaitasun intelektuala duten pertsonen Gipuzkoako elkarteak, aurrera eraman duen ekimena burutzeko.
Ikasleek desgaitasun intelektuala duten pertsonen ezaugarri orokorrak entzun eta beren tokian jartzeko aukera izan dute. Era berean, pertsona horiek dituzten beharrak aztertu eta nola lagundu dezaketen ikasteko aukera polita izan da.
Aloñak, Atzegiko arduradun moduan bideo batzuk ere erakutsi zizkien eta ikasleen gaiarekiko ezagutzak zabaldu zituen aldi berean. Bestalde, aurtengo kanpainaren berri eman zuten eta kanpainaren euskarri ezberdinak ikastolan bertan jarri zituzten "Ni prest nago eta Gipuzkoa?" leloa nonahi ikusi daitekeelarik.
Azkenik, urtarrilean gaiari jarraipena eginez Gureak tailerrera bisita egingo da. Beraien lan mundua gertutik ezagutuz eta bide batez elkarrizketa saio txiki batzuk burutuz. Balorazio baikorra egin izan da, eta ekimen hau ikasleen heziketa prozesuan esanguratsua izango delakoan gaude.
