ELKARLANEAN IKASIZ GURE HEZKUNTZA PROIEKTUA ERAIKI
Uzturpe ikastolan elkar partekatzeko kultura, elkarrekin lan egitearen ohiturak urte luzeetako ibilbidea du. Burututako eraldaketak, taldean eta taldetik egin izan ditugu beti.
Hausnarketarako joera handia dugu, formaziorako, baina gehienbat autoformaziorako (elkarrekin pentsatu eta ikasteko joera). Honen adibide politta dugu, ikasturtero egiten saiatzen garen “Asteburu Pedagogikoa” adibidez.
Gure proiektuarekin lerrokatuta dagoen gai baten inguruan hausnarketa burutzen dugu,asteburuan, borondatez. Aurtengoan Lekeitioko Azkue ikastola gertutik ezagutzen jarraitzeko aukera izan dugu, bertako kideen eskutik.
Lanketa pedagogikoaz gain,asteburua elkarrekin pasaz, etapa arteko harremanak sendotu (edo/eta berriak sortu) eta motibazioa piztuta jarraitzeko aukera ematen digu. Ikusi, gozatu, hausnartu, desikasi eta ERAIKI!
Eskerrik asko Lekeitioko Azkue ikastola!
