Kaixo lagun,

Hemen da berriz Nafar hegoaldeko uzta euskarari puzka. Azaroaren 12ra arte, hiru saski aukeran: beltza (betikoa), berdea (ekologikoa) eta zuria (berezia). Beti bezala, hauen balioaren %25 Nafarroa hegoalde eta erdialdeko euskalgintzara bideratuko da.

Baina aurten, pandemiak eragindako egoera dela eta, elkartasuna biderkatu nahi dugu. Saskiko 5 euro gehigarriren truke Korrikaren katilua (beltzarekin), Seaskaren egutegia (berdearekin) edo D ereduaren haziak (zuriarekin) jasoko dituzu. Aparteko diru-ekarpen hau zuzenean AEK-ri, Seaskari eta Sortzeni bideratuko zaie, Korrika, Herri Urrats eta Sortzenen jaia ez egiteak eragindako galerak arintzen laguntzeko.

Zuk ere, auzolanaren bidez, tokiko ekoizleak babestuz, euskarari hauspoa eman nahi badiozu, eskaera esteka honen bidez egin dezakezue.