Europa osoan irailaren 16tik 22ra ospatu zen Mugikortasun Jasangarriaren Astea.
Mugikortasun jasangarria energia gutxiago eta ingurumen inpaktu txikiagoa sorrarazten duen mugitzeko modua da eta aurtengo leloarekin “Partekatuz gero, urrutirago iritsiko gara” Europar Komisioak mugikortasun garbia, partekatua eta inteligentea sustatu nahi zuen, autoaren erabilera partekatuz.
Uzturpe Ikastolako ikasleak irailaren 20an, goizez, oinez egin zuten ikastolako joan-etorria. Horretarako HH eta LHko haur guztiak irakasleekin plazan topatu ziren (baita autobusez joaten direnak ere), eta bertatik oinez joango ziren guztiak elkarrekin.
Irailaren 22an, arratsaldez, Bizibira ospatu zen. Ibarra eta Tolosako ikastetxeak lotu zituen bizikleta bira egin zen, ikastetxeetara joateko eredu jasangarriagoak daudela frogatzeko asmoz.
Mugikortasun jasangarriko ekimen bat ere saritu zen. Aurten, gure ikastolak eta Samaniego ikastetxeak urteetam aurrera eraman duten ekimena “oinez taldean ikastetxera joateko” (lagunbusa) saritu ziren.
