Irailaren 15ean ospatu zen Ibarrako Azoka berezian, urtero bezala, Ikastolak ere bere postua jarri zuen. Bertan, Ikastolako jantziak aukeratu, probatu eta eskatzeko aukera izan zen. Hortaz gain, Ikastolan frantsesa ikasten duten ikasleak ere talo postuan lanean aritu ziren, Frantzira egiten duten elkartrukerako dirua ateratzeko asmoz. DBHko beste ikasle batzuk berriz, haurrei aurpegiak margotzen aritu ziren Ibarrako plazan.
Azkenik, Uzturpe Ikastolaren aldeko zozketa ere egun horretan burutu zen eta dagoeneko azaldu dira zorioneko saridunak.
