Skip to main content

Zirkulazioa librearen bidez ikasle sortzaile eta eraldatzaileak egiten

2023/09/22
Irudia
LH zirkulazio librea

ZIRKULAZIO LIBREAREN BIDEZ, IKASLE SORTZAILE ETA ERALDATZAILEAK SORTZEN 

Begiak itxi eta irudikatuz hasi zen Uzturpe Ikastolako Lehen hezkuntzaren eraldaketa prozesua. Betidaniko irakaskuntzari bira emanez eta gure beharrak hautemanez.

Ikasleen premiak behatu eta sakon aztertu ondoren, Lehen zikloan izan dugun eraldaketa nabarmenetako bat “zirkulazio librearen” sistematizazioa izan baitugu.

Gure ikasleei eskaini nahi diegun espazio honen helburuak irudimenaren erabilera, norbere zaletasunen gozamena, barne munduaren errepresentazioa, gaitasun kognitiboen garapena, adin ezberdinekiko sozializazio eta harreman aberatsen garapena… dira besteak beste. Eta paradoxa dirudien arren, irakasleok ere ekintzaile, sortzaile eta eraldatzaile izatearen fruitua dugu hau.

Irakasleon egitekoa behaketan oinarritzen bada ere,  behaketen eta esku hartzeen oreka bat lortzen saiatzen gara, jarduera edo proposamen ezberdinetara “zirikatuz”; beldurrik gabe arakatu eta esperimentatzeko ingurune aberatsa bermatuz.

Zirkulazio libre honen bidea garatuz doa, adina ere aurrera doan heinean: LH 1.mailan zirkulazio librea dute, LH 2.mailan ikasturte hasieratik irakurketa bultzatzen saiatzen gara. Izan ere, badakigu ipuinek eta istorioek sormen gaitasunaren garapenerako oinarrizko baliabide ditugula. LH 3.mailan asteko eginbehar zerrenda bat izango dugu, bakoitzaren antolaketarako autonomia eta gaitasunean ere trebatzen joan daitezen. Eta gainera, espazio eraberritu honetan, denda eta musikak ere berebiziko garrantzia dute. 

Ekintzaile izan gaitezen, gure ikasleek “jolasteko” aukera izan behar dute. Jolasa senak sorrarazten digun bulkada izan ohi da, emozioz eta barne indarrez betea. Bertatik eskuratzen ditugu gure ikaskuntzarik sakonenak eta heltzen goazen heinean, galbidean eror ez dadin, Lehen Hezkuntzako 4, 5 eta 6.mailetan ere astean arratsalde bat “jolasteko” eskaintzea adostua dugu: horretarako ditugu astearte arratsaldeak.

Ikasleon beharrak eraldatuz joan dira ikasturtez ikasturte, eta horregatik, irakasleon lana ere behar hauetara egokitzen joan izan gara. Aurtengo tailerren eskaintzan, arte, musika, dantza, antzerki, sukaldaritza eta josketa ditugu; 3 asteko iraupenarekin. Modu honetan 9 -12 urte bitarteko ikasleak nahastuta izango ditugu taldekatze berrietan.

Tailerren helburua sortzeko eta eraldatzeko baimena guztion eskura sentitzea izan ohi da, hanka sartzeari diogun beldurra gaindiaraziz. Arratsalde aktiboak izan ohi ditugu, guztiok  parte hartuz eta ideiak plazaratuz. 

Eremu hau eskainiz, ikasleak ere libre sentitzen dira sortzeko, ekintzaile izateko, errezeta berriak dastatzeko, euren kasan sortutako dantzak gelakideen aurrean dantzatzeko, aiton amonen garaitik hasi eta gaurdainoko musika biografiak arakatzeko, haria eta jostorratzarekin arreta eta iraunkortasuna ere lantzeko. Azken batean, esperientzia berriak probatu eta nork bere zaletasunak bilatzeko.

Begiak itxi eta irudika dezagun jolasten jarraituko dugun etorkizun bat!

 

Azken albisteak

2025-04-01
Martxoaren 28an LH 2. mailako ikasleak Pasaiko Albaola Itsas Kultur Faktoria bertatik bertara ezagutzeko aukera izan zuten.
2025-03-31
Aurtengo Elkartasun Kilometroa Donamartiriko Arberoa ikastolako ikasleen alde egin du Uzturpe Ikastolak. 
2025-03-31
Martxoaren 28an, DBH2ko ikasleak San Telmo Museora egin zuten bisita. Bertan, "Ipiscua 1000 urte" bisita-tailerrean parte hartu zuten. Erakusketak, Gipuzkoaren azken mila urteetako historia aztertzen du, lurralde honek…
2025-03-28
Bi urteko gelan ikasturtean zehar hainbat tailer ondorengo helburuekin burutzen dira: gure ikasleek esperimentatu dezaten, esplorazioan sakontzea, ikasleen artean harremantzea, jolastea eta gozatzea.