Skip to main content

Esperimentazioa Haur Hezkuntzan

2023/09/22
Irudia
HH 2

ESPERIMENTAZIOA HAUR HEZKUNTZAN

 

Esperimentazioa da pertsonak garatzeko dagoen bide nagusietako bat.

Esperimentatzea norberak gertuko testuinguruarekin elkarrekintzan aritzeko prozesua da: prozesu horretan, haurrak bere buruarekiko, inguruarekiko eta esperimentatzen ari den materialarekiko informazioa eskuratzen du.

Haurrak bere ingurunea arakatzeko berezko gaitasuna dauka.

Gure Ikastolan gaitasun horri erantzuteko egituratutako espazioetan  material desberdinak manipulatu, esploratu edo esperimentatzeko aukera eskaintzen diegu.

Ekintzan oinarritutako ikaskuntzaren aldeko hautua egin dugunez, esperimentatzen uztean, haurrak bere irudimena modu librean erabili, ukitu, probatu, erabili, ikertu, sortu eta sentitu egingo dute ingurua, errealitatea ulertu ahal izateko. Hau da,   haurra sentsazio eta bizipenen bitartez ikaste prozesuan aurrera egiten arituko da etengabe.

 

Esperimentazioaren bidez, haurra bere kabuz saiatzen da bere jardunak ingurunean dituen ondorioak egiaztatzen. Objektuek ekintzaren aurrean duten erreakzioa egiaztatuko du, eta, horretarako, manipulazioa, miaketa edo behaketa bezalako prozedurak erabiliko ditu helduaren begiradapean.

Horrela, esperimentazioaren bidez haurren bizipenetatik abstrakziorako bidea erraztu nahi diegu. Gure geletan materialetatik, egoera errealetatik eta konkretuetatik abiatzen saiatzen gara, bost zentzumenak eta gorputz osoa aktibatuz abstrakziorako bidea egiteko.

 

Modu honetan lan eginez, zenbait ikaslek berehala egiten dute salto hau, baina aldi berean, denbora gehiago behar dutenei aukera ematen diegu konkreziotik abstrakziorako urratsa egiteko, beraien erritmoak errespetatuz. Horrela, haurrak behar duen konfiantza garatuko du. Eta hau izango da egiteko motibazioa eta ausardia emango diona, bere buruarengan sinetsi eta aurrera egiten lagunduko diona.

 

Esperimentazio-prozesua esanguratsua izateko, espazioak berebiziko garrantzia du, eta gure Ikastola barruko espazioez gain NATURA izango da guk hautatutako espazio pribilegiatuenetakoa.

 

Azken albisteak

2025-04-11
Hilabete honetan bi urteko gelan familia bisita izan da. Ekimen honen bidez, gurasoen ogibidea gure txikiei azaltzeko aukera paregabea izaten da.
2025-04-10
Azken asteetan, gure LHko ikasleak,  bizikleten inguruan aritu dira lanean. Hauen atal ezberdinak ezagutu, beraien funtzioak ulertu eta bizikletak erabiltzerakoan kontutan izan beharreko seguratsun neurriak,...
2025-04-10
DBH1eko ikasleek "Balerdipeko erleak" osatzen dute erlezainen bisita izan zuten. Haiekin liztor beltzari buruz gehiago ikasteko aukera izan zuten, beraien errealitatea gertutik ezagutuz.
2025-04-10
Joan den astean Seaska Ipar Euskal Herriko Ikastolen Federaziotik Ramuntxo etorri zen Uzturpe ikastolara bisitan. LH6 mailan giza eskubideen ikerketari amaiera jarri genion modu honetan.