Irudia
Uzturpe Ikastolak Ibarrako Udalarekin, Galtzaundirekin eta Hauspoarekin elkarlanean bertso saioa antolatu zuen Euskaraldiaren atarian. Aner Euzkitze, Maider Arregi, Sustrai Colina, Andoni Egaña eta Unai Mendizabal asteasuarrak saio ederra eskaini zuten ostiral iluntzean Ibarrako San Bartolome elizan izan zen bertso emanaldian.
Herritarrek ere ondo erantzun zuten eta elizak itxura polita hartu zuen bertsolarien lanarekin gozatu ederra hartu zutelarik. Nabarmentzekoa ere, Olatz Eizagirrek gai-jartzaile moduan egindako lan txukuna.
